Qazaqstan BUU Jarǵysynyń qaǵidattaryna adaldyǵyn saqtaidy. Bul týraly Qazaqstan Prezidenti Qasym-Jomart Toqaev Twitter-de jazdy.
«1945 j. 24 qazanda, iaǵni 75 jyl buryn BUU quryldy. Bul jahandyq institýt Qyrǵi-qabaq soǵys kezinde jáne jalpy qubylmaly kezeńde óz tiimdiligin dáleldedi. Sondyqtan onyń balamasy joq. Qazaqstan BUU Jarǵysynyń qaǵidattaryna, ámbebap uiymnyń uzaqmerzimdi maqsattaryna adaldyǵyn saqtaidy», - dedi Q.Toqaev.
Buǵan deiin habarlaǵanymyzdai, búgin Memleket basshysy Birikken Ulttar Uiymynyń 75 jyldyǵyna orai BUU Bas hatshysy Antoniý Gýterrishke quttyqtaý jedelhatyn joldady.
