Foto: Qorǵanys ministrliginiń baspasóz qyzmeti
Memleket basshysy Qasym-Jomart Toqaev "Qazaqstan barysy – 2025" týrniriniń jeńimpazyn quttyqtady, dep habarlaidy Aqorda.
"Marat Baikýmorovty qazaq kúresinen "Qazaqstan barysy – 2025" týrnirindegi jarqyn jeńisimen quttyqtaimyn! Ol tamasha óner kórsetip, jankúierler kóńilinen shyqty", - dep atap ótti Toqaev.
Prezident memleket qazaq kúresiniń damýyna aldaǵy ýaqytta da qoldaý kórsete beretinin atap ótti.
Eske sala keteiik, qazaq kúresinen HV respýblikalyq "Qazaqstan barysy" týrniri Astanadaǵy "Jaqsylyq Úshkempirov atyndaǵy jekpe-jek saraiynda" ótti. Finalda "Naiman" laqapatymen belgili Marat Baikýmorov jeńiske jetti. Ekinshi oryndy byltyrǵy chempion Erasyl Qajybaev, úshinshi oryndy Nurdáýlet Jarylǵapov ielendi. 1-orynǵa 15 000 000, 2-orynǵa 3 300 000, 3-orynǵa 1 080 000 teńge júlde tabystaldy.
