Qazaqstan Respýblikasynyń Prezidenti Qasym-Jomart Toqaev «QazAqparat» halyqaralyq aqparat agenttiginiń ujymyn 100 jyldyq mereitoiymen quttyqtady.
***
Qurmetti «QazAqparat» agenttiginiń ujymy!
Sizderdi «QazAqparat» halyqaralyq aqparat agenttiginiń 100 jyldyq mereitoiymen shyn júrekten quttyqtaimyn!
Aǵa býynǵa etene tanys bolǵan «QazTAG»-tan bastaý alyp, qazirgi «QazAqparat» atalǵanǵa deiingi kezeńde agenttik úlken damý jolynan ótti. Talai tarihi oqiǵalardy, ásirese, táýelsizdiktiń shejiresin túzýde erekshe eńbek sińirdi. Elbasynyń barlyq bastamalaryn, elimizdiń áleýmettik-ekonomikalyq, mádeni-rýhani damýy «QazAqparat» taspasynda únemi kórinis taýyp otyrdy. Sondyqtan ǵasyr jasaǵan agenttiktiń memlekettik saiasatty nasihattaý turǵysynan el damýyna qosqan úlesi zor.
Shynaiy jańalyqty jurtshylyqqa jedel jetkizetin «QazAqparat» halyqaralyq arenada da el imidjin qalyptastyrýǵa da atsalysyp keledi. Qazaqstannyń basty aqparat agenttiginde qyzmet etip júrgen jýrnalister qashanda joǵary marapatqa laiyq dep sanaimyn. Ujym qyzmetkerleri men agenttiktiń ardagerlerine zor densaýlyq, shyǵarmashylyq tabys tileimin. Jaǵymdy jańalyq kóp bolsyn!
Izgi nietpen,
Qasym-Jomart TOQAEV
