Memleket basshysy bizdiń alýantúrli mádenietimizdi tanytatyn biregei aqparatty keńinen taratýǵa, aýqymy keńeiip kele jatqan qazaqtildi aýditoriiamen tyǵyz jumys isteýge shaqyrdy, dep habarlaidy "Ult aqparat".
«Mádenietimiz áralýan ekenin kórsetetin erekshe aqparatty ázirleý qajet. Sonyń ishinde, qazaq tildi aýditoriiamen jumys júrgizgen jón. Qazaq tildi aýditoriianyń aýqymy keńeiip jatyr. Bul – jaǵymdy, oń úrdis. Qazaqstandy damytýǵa ózge etnostardyń qosyp jatqan úlesin memlekettik tilde nasihattaý mańyzdy. Biz osy baǵytta jumys isteitin aqparat quraldaryn barynsha qoldaýymyz kerek», - dedi Memleket basshysy Qazaqstan halqy Assambleiasynyń HHHI sessiiasynda.
