Foto: Akorda.kz
Memleket basshysynyń tóraǵalyǵymen Qaýipsizdik Keńesiniń kezekti otyrysy ótti. Jiynda elimizdiń áskeri qaýipsizdigin qamtamasyz etýdiń ózekti máseleleri talqylandy, dep habarlaidy "Ult aqparat" Aqordanyń baspasóz qyzmetine silteme jasap.
Qaýipsizdik Keńesiniń Tóraǵasy birqatar jaýapty memlekettik organ basshylarynyń baiandamasyn tyńdady.
Qaýipsizdik Keńesi Qazaqstan Respýblikasynyń Qarýly Kúshteri men basqa da áskerlerin, áskeri quralymdaryn qarý-jaraqpen qaita jaraqtaý jáne qorǵanys ónerkásibi kesheniniń 2030 jylǵa deiingi damý tujyrymdamasynyń jobasyn qarastyrdy.
Qorǵanys ónerkásibi, memlekettik qorǵanys salasyndaǵy tapsyrys, qarý-jaraq pen áskeri tehnika ainalymy, qorǵanys nysandary infraqurylymyn damytý salalaryndaǵy jekelegen máseleler jóninde júieli sharalar ázirlendi.
Jiyn qorytyndysy boiynsha Prezident memlekettiń áskeri qaýipsizdigin qamtamasyz etý júiesin odan ári damytý jóninde birqatar naqty tapsyrma berdi.
