QR Qaýipsizdik Keńesiniń Apparaty Tujyrymdama jobasyn jan-jaqty pysyqtaǵannan keiin, qujat biylǵy jylǵy mamyrda QR Qaýipsizdik Keńesiniń otyrysynda maquldandy.
Tujyrymdamada áskeri qaýipsizdik organdaryn 2030 jylǵa deiin qalyptastyrýdyń jáne damytýdyń negizgi printsipteri men ustanymdary qamtylǵan. Bul qujat aiasynda atqarylatyn is-sharalar memlekettiń qorǵanys qabiletin arttyrýǵa, Qarýly Kúshterdiń, basqa da áskerler men áskeri qurylymdardyń jaýyngerlik ázirligin qamtamasyz etýge, sonyń ishinde daǵdarys jaǵdaiyndaǵy áreket etý múmkindikterin keńeitýge baǵyttalǵan.
Qazaqstan tarihynda alǵash ret áýe-ǵaryshtyq jáne zymyran shabýylyna qarsy qorǵanystyń tiimdi júiesiniń elementterin qalyptastyrý josparlanyp otyr.
Eldiń orasan zor aýmaǵyn jáne shekaralardyń uzaqtyǵyn eskere otyryp, áskeri-kólik aviatsiiasynyń kúshteri men quraldaryn jetildirý arqyly áskerlerdiń mobildiligin arttyrý sharalary qarastyrylǵan.
Sondai-aq, arnaiy operatsiialardy oryndaityn kúshterdi damytýǵa basa mán berilgen.
Qoǵamnyń barlyq salasyn tsifrlandyrý sheńberinde Qarýly Kúshterdiń kiber- jáne aqparattyq keńistiktegi is-áreketter jónindegi áleýeti kúsheitiledi.
«Qos maqsattaǵy», iaǵni soǵys jáne beibit ýaqytta, sonyń ishinde tótenshe jaǵdailardyń saldaryn joiý úshin qoldanylatyn komponentterdi damytý josparlanǵan. Eń aldymen, mundai quramdarǵa áskeri meditsina, radiatsiialyq, himiialyq jáne biologiialyq qorǵanys áskerleri, injenerlik áskerler, áskeri-kóliktik aviatsiia jatqyzyldy.
Jaýyngerlik ázirlikti arttyrý, áskeri bólimderdiń ońtaily ornalasýyn, áskeri infraqurylymnyń qalyptasýyn, sonymen qatar turǵyndardyń qaýipsizdigin qamtamasyz etý maqsatynda tiisti infraqurylymy bar keshendi áskeri bazalardy qurýǵa birtindep kóshý josparlanýda.
Sondai-aq áskeri bilim berý, mansaptyq ósý, áskeri qyzmetshilerdi moraldyq jáne materialdyq turǵydan yntalandyrý, quqyqtyq tártip pen áskeri tártipti nyǵaitý, jastarǵa áskeri patriottyq tárbie berý sharalaryn júzege asyrý kózdelgen.
Qarýly Kúshterdi jaraqtandyrýdyń negizgi baǵyttary belgilengen. Bul otandyq qorǵanys ónerkásibi kesheni tarapynan qamtamasyz etiletin bolady jáne kásiporyndardyń óndiristi barynsha tiimdi josparlaýyna múmkindik beredi.
Jalpy bul Tujyrymdamany iske asyrý memlekettiń qorǵanys qabiletin jáne áskeri qaýipsizdiktiń zamanaýi qaterlerine qarsy daiarlyǵyn arttyrýǵa jáne beibit ýaqyttaǵy mindetterdi tiimdi oryndaýǵa baǵyttalǵan.
Qazirgi áskeri qaqtyǵystardy eskere otyryp, jańa Tujyrymdamada kózdelgen tásilderge sáikes, biylǵy 6-23 qyrkúiek aralyǵynda Qazaqstan aýmaǵynda «Otpantaý-2021» keshendi áskeri oqý-jattyǵý jiyny ótkizildi.
Oqý-jattyǵý jiyny barysynda áskeri qaterler kezindegi Qarýly Kúshterdiń komandalyq-basqarý organdary men áskeri bólimderiniń, Shekara qyzmetiniń, Ulttyq ulannyń, Tótenshe jaǵdailar ministrliginiń, sondai-aq jergilikti atqarýshy, arnaiy memlekettik jáne quqyq qorǵaý organdarynyń ózara is-qimyly tekserildi.
Alty oblysta soǵys jaǵdaiy engizilgen kezderdegi Oblystardyń qorǵanys keńesteriniń jumysty uiymdastyrýy tekserildi.
Jeti oqý-jattyǵý poligonynda áskerler soǵystyń jańa formalary men ádisterin, qurlyqta jáne áýedegi jaýǵa qarsy turý máselelerin pysyqtady, sonymen qatar Kaspii teńiziniń sý aidynynda desantqa qarsy jattyǵý operatsiiasyn júrgizdi.
Jańadan alynǵan qarý-jaraq pen áskeri tehnikanyń, sonyń ishinde Sý-30SM ushaqtary, Mi-35 tikushaqtary, jańa ushqyshsyz ushý apparattary, áýe shabýylyna qarsy qorǵanys júieleri men radioelektrondy kúres júieleriniń jaýyngerlik qasietteri synaldy.
