Memleket basshysy Aýyl sharýashylyǵy ministriniń mindetin atqarýshy Erbol Qarashókeevti qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa elimizdegi agroónerkásip kesheniniń qazirgi jaǵdaiy men salany turaqty damytýǵa baǵyttalǵan júieli jumystar týraly baiandaldy.
Erbol Qarashókeev Prezidentti ósimdik sharýashylyǵyn, sonyń ishinde suranysqa ie daqyldardy óndirýdi, salany tsifrlandyrý men jerdi igerýdiń naqty tehnologiiasyn engizýdi jáne tuqym sharýashylyǵynyń zamanaýi júiesin qurý jaiynda habardar etti.
Sonymen qatar, vedomstvo basshysy mal sharýashylyǵyn damytý, egistik pen jaiylymdyq daladaǵy ósimdikter quramynyń túrin anyqtaý úshin ǵaryshtyq baqylaý men qashyqtan zondtaýdy qoldaný josparymen tanystyrdy.
Qasym-Jomart Toqaevqa memlekettik qoldaý sharalary men sýbsidiialaý tetikterin jetildirý, sondai-aq veterinarlyq qyzmet, agrarlyq ǵylym men kadrlardy daiarlaý júiesin jańǵyrtý jumystary týraly aityldy.
Salany reformalaýdyń negizgi baǵyttary 2021-2025 jyldarǵa arnalǵan agroónerkásiptik keshendi damytýdyń ulttyq jobasy aiasynda júzege asyrylady.
Memleket basshysy kezdesý sońynda daiyn ónim shyǵarýdy damytýǵa, egin jinaý jumystaryn ýaqytyly ári sapaly uiymdastyrýǵa, aldaǵy qysta mal sharýashylyǵyn azyqpen qamtamasyz etýge baǵyttalǵan birqatar tapsyrmalar berdi.
