مەملەكەت باسشىسى اۋىل شارۋاشىلىعى مينيسترٸنٸڭ مٸندەتٸن اتقارۋشى ەربول قاراشٶكەەۆتٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆقا ەلٸمٸزدەگٸ اگروٶنەركەسٸپ كەشەنٸنٸڭ قازٸرگٸ جاعدايى مەن سالانى تۇراقتى دامىتۋعا باعىتتالعان جٷيەلٸ جۇمىستار تۋرالى باياندالدى.
ەربول قاراشٶكەەۆ پرەزيدەنتتٸ ٶسٸمدٸك شارۋاشىلىعىن, سونىڭ ٸشٸندە سۇرانىسقا يە داقىلداردى ٶندٸرۋدٸ, سالانى تسيفرلاندىرۋ مەن جەردٸ يگەرۋدٸڭ ناقتى تەحنولوگيياسىن ەنگٸزۋدٸ جەنە تۇقىم شارۋاشىلىعىنىڭ زاماناۋي جٷيەسٸن قۇرۋ جايىندا حاباردار ەتتٸ.
سونىمەن قاتار, ۆەدومستۆو باسشىسى مال شارۋاشىلىعىن دامىتۋ, ەگٸستٸك پەن جايىلىمدىق دالاداعى ٶسٸمدٸكتەر قۇرامىنىڭ تٷرٸن انىقتاۋ ٷشٸن عارىشتىق باقىلاۋ مەن قاشىقتان زوندتاۋدى قولدانۋ جوسپارىمەن تانىستىردى.
قاسىم-جومارت توقاەۆقا مەملەكەتتٸك قولداۋ شارالارى مەن سۋبسيدييالاۋ تەتٸكتەرٸن جەتٸلدٸرۋ, سونداي-اق ۆەتەرينارلىق قىزمەت, اگرارلىق عىلىم مەن كادرلاردى دايارلاۋ جٷيەسٸن جاڭعىرتۋ جۇمىستارى تۋرالى ايتىلدى.
سالانى رەفورمالاۋدىڭ نەگٸزگٸ باعىتتارى 2021-2025 جىلدارعا ارنالعان اگروٶنەركەسٸپتٸك كەشەندٸ دامىتۋدىڭ ۇلتتىق جوباسى اياسىندا جٷزەگە اسىرىلادى.
مەملەكەت باسشىسى كەزدەسۋ سوڭىندا دايىن ٶنٸم شىعارۋدى دامىتۋعا, ەگٸن جيناۋ جۇمىستارىن ۋاقىتىلى ەرٸ ساپالى ۇيىمداستىرۋعا, الداعى قىستا مال شارۋاشىلىعىن ازىقپەن قامتاماسىز ەتۋگە باعىتتالعان بٸرقاتار تاپسىرمالار بەردٸ.
