Foto: Tengrinews.kz
Prezident Qasym-Jomart Toqaev Qazaqstandaǵy qańtar oqiǵasyna qatysty tergeý barysy týraly aitty, - dep habarlaidy Tengrinews.kz.
"Tergeýdi ýákiletti organdar júrgizip jatyr, óte muqiiat, egjei-tegjeili júrgizilip jatyr. Qolda bar materialdardy Bas prokýratýra jariialaidy. Bizdiń qoǵamǵa qatysty eshqandai qupiia joq. Biz bárin ashyq jáne joǵary kásibi deńgeide jasaimyz. Sondyqtan halyqaralyq sarapshylardy shaqyrýdyń qajettiligi joq, solai oilaimyn. Bul jumys jalǵasady. Shynynda da, qaraqshylar men lańkester keltirgen ziian aýqymy shoshytpaýy múmkin emes, óitkeni 1600 qyzmettik kommertsiialyq ǵimarat búlingen, 1000-ǵa jýyq kólik órtengen, 3000 qarý urlanǵan jáne, árine, kópshiligi qaza boldy, olardyń arasynda qaraqshylar men terrorister bar.
Biz munyń memlekettik júiege nuqsan keltirýge baǵyttalǵan lańkestik áreket ekenin alǵa tartamyz, sondyqtan oǵan qatysý, sybailastyq nemese arandatý ma, joq pa, qatysy bar adamdardy jaýapkershilikke tartý qajettigi týraly aityp otyrmyz. Ásirese, uiymdasyrý. Memleketke qarsy operatsiianyń ózi naqty josparlanǵan, ony jaqsy daiyndalǵan mamandar basqardy", - dedi Prezident Konstitýtsiiaǵa túzetýler men tolyqtyrýlar engizý jónindegi respýblikalyq referendýmda daýys bergennen keiin jýrnalister suraǵyna jaýap berip.
