Iran tarapynyń bastamasymen ótken áńgimelesý barysynda memleketter basshylary ekijaqty qatynastardyń qazirgi jaǵdaiy men perspektivalaryn talqylady, dep habarlaidy Aqorda.
Prezidentter eki el arasynda diplomatiialyq qatynastar ornaǵan sátten beri 30 jyl ishinde yntymaqtastyqtyń ártúrli salasy boiynsha aitarlyqtai jetistikterge qol jetkizilgenin atap ótti. Sonymen qatar Qazaqstan men Irannyń kóshbasshylary saýda-ekonomikalyq jáne yqpaldastyqtyń basqa da baǵyttaryndaǵy bailanystardy odan ári nyǵaitýǵa kúsh salý qajet dep sanaidy.
Qasym-Jomart Toqaev «qasiretti qańtar» oqiǵalaryna qatysty alańdaýshylyq tanytyp, niettestik tanytqany úshin Ibrahim Raisi men iran halqyna rizashylyǵyn bildirdi.
Memleket basshysy elimizdegi jaǵdaidyń turaqtalǵanyn atap ótip, áleýmettik-ekonomikalyq qaita qurýdyń jańa strategiiasyn júzege asyrý sharalary qabyldanǵanyna toqtaldy. Prezidenttiń aitýynsha, Qazaqstan halqy bolashaqqa nyq senimmen qaraidy.
