Memleket basshysy Qasym-Jomart Toqaev Eýropalyq qaita qurý jáne damý bankiniń prezidenti Sýma Chakrabartidi qabyldady, dep habarlaidy Aqorda.
Kezdesýde Qasym-Jomart Toqaev pen Sýma Chakrabarti Qazaqstan men Eýropalyq qaita qurý jáne damý banki arasyndaǵy qatynastardyń qazirgi ahýaly men yntymaqtastyǵynyń aldaǵy perspektivalaryn, onyń ishinde birlesken investitsiialyq jobalardyń júzege asyrylý barysyn talqylandy.
Taraptar koronavirýs indetiniń teris áseri jaǵdaiyndaǵy álemdik ekonomikanyń damýy týraly pikir almasty.
Sýma Chakrabarti Qasym-Jomart Toqaevty Qazaqstan Prezidenti qyzmetine kiriskenine bir jyl tolýymen quttyqtap, osy aralyqta elimizde atqarylǵan saiasi jáne ekonomikalyq reformalarǵa, ásirese, «Halyq únine qulaq asatyn memleket» tujyrymdamasyna joǵary baǵa berdi.
«Londondaǵy bas ofisimizdegi komanda men Qazaqstandaǵy ókildiktiń pikirinshe, Sizdiń bilimińiz ben halyqaralyq qatynastardaǵy mol tájiribeńiz elińizdiń damýyna eleýli úles qosady. Biz Sizdiń barlyq bastamalaryńyzdy qoldaimyz, Prezident retinde bir jylda atqarǵan tabysty jumystaryńyzǵa rizashylyq bildiremiz», – dedi Eýropalyq qaita qurý jáne damý bankiniń basshysy.
