Qazaqstan Prezidenti Eýropa Odaǵynyń Ortalyq Aziia jónindegi arnaýly ókili Teri Hakalamen kezdesti, - dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Qazaqstan men Eýropa Odaǵy arasyndaǵy seriktestiktiń ózekti máseleleri talqylandy.
Qasym-Jomart Toqaev Qazaqstannyń mańyzdy seriktesteriniń biri Eýropa Odaǵymen kópjaqty yqpaldastyqty damytýǵa múddeli ekenin naqtylap, ekijaqty strategiialyq yntymaqtastyqqa tyń serpin berýge daiyn ekenin jetkizdi. Qazaqstan Prezidenti jýyrda ótken konstitýtsiialyq referendým men Jańa, Ádiletti Qazaqstandy qurýǵa qatysty reformalar týraly aitty.
Óz kezeginde Teri Hakala Prezidentti referendýmnyń sátti ótýimen quttyqtap, Briýsseldiń Ortalyq Aziia aimaǵyndaǵy jetekshi seriktesi Qazaqstanmen uzaq merzimdi yntymaqtastyq pen yqpaldastyqty jalǵastyrýǵa Eýropa Odaǵynyń beiildi ekenin naqtylady. Sonymen qatar, ol Eýropa Odaǵy Memleket basshysynyń reformalar júrgizý baǵdarlamasyna jan-jaqty qoldaý kórsetetinin, Qazaqstannyń kópvektorly jáne teńgerimdi syrtqy saiasatyn joǵary baǵalaitynyn málimdedi.
Eýropa Odaǵy Qazaqstanmen kólik-logistikalyq bailanystardy nyǵaitýǵa zor qyzyǵýshylyq tanytty. Budan bólek olar óńirlik jáne jahandyq kún tártibindegi ózekti máseleler jóninde jan-jaqty pikir almasty.
