قازاقستان پرەزيدەنتٸ ەۋروپا وداعىنىڭ ورتالىق ازييا جٶنٸندەگٸ ارناۋلى ٶكٸلٸ تەري حاكالامەن كەزدەستٸ, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا قازاقستان مەن ەۋروپا وداعى اراسىنداعى سەرٸكتەستٸكتٸڭ ٶزەكتٸ مەسەلەلەرٸ تالقىلاندى.
قاسىم-جومارت توقاەۆ قازاقستاننىڭ ماڭىزدى سەرٸكتەستەرٸنٸڭ بٸرٸ ەۋروپا وداعىمەن كٶپجاقتى ىقپالداستىقتى دامىتۋعا مٷددەلٸ ەكەنٸن ناقتىلاپ, ەكٸجاقتى ستراتەگييالىق ىنتىماقتاستىققا تىڭ سەرپٸن بەرۋگە دايىن ەكەنٸن جەتكٸزدٸ. قازاقستان پرەزيدەنتٸ جۋىردا ٶتكەن كونستيتۋتسييالىق رەفەرەندۋم مەن جاڭا, ەدٸلەتتٸ قازاقستاندى قۇرۋعا قاتىستى رەفورمالار تۋرالى ايتتى.
ٶز كەزەگٸندە تەري حاكالا پرەزيدەنتتٸ رەفەرەندۋمنىڭ سەتتٸ ٶتۋٸمەن قۇتتىقتاپ, بريۋسسەلدٸڭ ورتالىق ازييا ايماعىنداعى جەتەكشٸ سەرٸكتەسٸ قازاقستانمەن ۇزاق مەرزٸمدٸ ىنتىماقتاستىق پەن ىقپالداستىقتى جالعاستىرۋعا ەۋروپا وداعىنىڭ بەيٸلدٸ ەكەنٸن ناقتىلادى. سونىمەن قاتار, ول ەۋروپا وداعى مەملەكەت باسشىسىنىڭ رەفورمالار جٷرگٸزۋ باعدارلاماسىنا جان-جاقتى قولداۋ كٶرسەتەتٸنٸن, قازاقستاننىڭ كٶپۆەكتورلى جەنە تەڭگەرٸمدٸ سىرتقى ساياساتىن جوعارى باعالايتىنىن مەلٸمدەدٸ.
ەۋروپا وداعى قازاقستانمەن كٶلٸك-لوگيستيكالىق بايلانىستاردى نىعايتۋعا زور قىزىعۋشىلىق تانىتتى. بۇدان بٶلەك ولار ٶڭٸرلٸك جەنە جاھاندىق كٷن تەرتٸبٸندەگٸ ٶزەكتٸ مەسەلەلەر جٶنٸندە جان-جاقتى پٸكٸر الماستى.
