QR Prezidenti Qasym-Jomart Toqaev Eýraziia ekonomikalyq komissiiasynda nelikten bes memlekettiń de músheleri bolýy kerektigin túsindirdi, dep habarlaidy QazAqparat.
«Búgingi tańda ótken otyrystardyń birinde aitylǵan usynystardy talqylaimyz. Ol - komissiianyń kadrlyq quramyna qatysty talqy. Esterińizge sala keteiin, Qazaqstan qarjylandyrý úlesine qarai Eýraziialyq ekonomikalyq komissiiaǵa azamattardy qatań bekitý ustanymyna qarsy. Halyqaralyq uiymdarda biz úmitkerlerdiń kásibi biliktiligine súiene otyryp, bárine teń jaǵdai jasaýǵa tiispiz. Tek sonda ǵana komissiia shynynda da ekonomikalyq odaqtyń múddesi úshin jumys isteitin ultústilik organǵa ainala alady. Praktikalyq turǵydan qaraǵanda komissiiaǵa bes memleket azamattarynyń múshe bolýy – kásibi ósimge qol jetkizip, eýraziialyq integratsiia salasyndaǵy mamandardy tárbieleýge kómektesedi. Ulttyq úkimetter Eýraziia ekonomikalyq odaǵy quqyǵynyń qyr-syryna deiin biletin basqarýshylarǵa, basqa memlekettermen bailanys ornata bilgen naǵyz eýraziialyqtarǵa ie bolady», - dedi Qasym-Jomart Toqaev Joǵary Eýraziia ekonomikalyq keńesiniń otyrysynda.
Prezident ekonomikalyq odaqtyń 2025 jylǵa deiingi strategiiasynyń daý týdyrýy múmkin barlyq bólimderi boiynsha qolaily konsensýsqa qol jetkizilgenin málim etti.
