قر پرەزيدەنتٸ قاسىم-جومارت توقاەۆ ەۋرازييا ەكونوميكالىق كوميسسيياسىندا نەلٸكتەن بەس مەملەكەتتٸڭ دە مٷشەلەرٸ بولۋى كەرەكتٸگٸن تٷسٸندٸردٸ, دەپ حابارلايدى قازاقپارات.
«بٷگٸنگٸ تاڭدا ٶتكەن وتىرىستاردىڭ بٸرٸندە ايتىلعان ۇسىنىستاردى تالقىلايمىز. ول - كوميسسييانىڭ كادرلىق قۇرامىنا قاتىستى تالقى. ەستەرٸڭٸزگە سالا كەتەيٸن, قازاقستان قارجىلاندىرۋ ٷلەسٸنە قاراي ەۋرازييالىق ەكونوميكالىق كوميسسيياعا ازاماتتاردى قاتاڭ بەكٸتۋ ۇستانىمىنا قارسى. حالىقارالىق ۇيىمداردا بٸز ٷمٸتكەرلەردٸڭ كەسٸبي بٸلٸكتٸلٸگٸنە سٷيەنە وتىرىپ, بەرٸنە تەڭ جاعداي جاساۋعا تيٸسپٸز. تەك سوندا عانا كوميسسييا شىنىندا دا ەكونوميكالىق وداقتىڭ مٷددەسٸ ٷشٸن جۇمىس ٸستەيتٸن ۇلتٷستٸلٸك ورگانعا اينالا الادى. پراكتيكالىق تۇرعىدان قاراعاندا كوميسسيياعا بەس مەملەكەت ازاماتتارىنىڭ مٷشە بولۋى – كەسٸبي ٶسٸمگە قول جەتكٸزٸپ, ەۋرازييالىق ينتەگراتسييا سالاسىنداعى مامانداردى تەربيەلەۋگە كٶمەكتەسەدٸ. ۇلتتىق ٷكٸمەتتەر ەۋرازييا ەكونوميكالىق وداعى قۇقىعىنىڭ قىر-سىرىنا دەيٸن بٸلەتٸن باسقارۋشىلارعا, باسقا مەملەكەتتەرمەن بايلانىس ورناتا بٸلگەن ناعىز ەۋرازييالىقتارعا يە بولادى», - دەدٸ قاسىم-جومارت توقاەۆ جوعارى ەۋرازييا ەكونوميكالىق كەڭەسٸنٸڭ وتىرىسىندا.
پرەزيدەنت ەكونوميكالىق وداقتىڭ 2025 جىلعا دەيٸنگٸ ستراتەگيياسىنىڭ داۋ تۋدىرۋى مٷمكٸن بارلىق بٶلٸمدەرٸ بويىنشا قولايلى كونسەنسۋسقا قول جەتكٸزٸلگەنٸن مەلٸم ەتتٸ.
