Búgin Parlament Senatynyń tóraǵasy Qasym-Jomart Toqaev esirtki taratýshylardy ómir boiyna bas bostandyǵynan aiyrýdy usyndy, dep habarlaidy Baq.kz agenttigi.
«Bul - óte ózekti taqyryp. Biz, senatorlar esirtki taratýshylardy qylmystyq jáne sot tártibimen qýadalaýdy kúsheitýimiz kerek. Múmkin, ómir boiyna bas bostandyǵynan aiyrý qajet bolar. Odan da qatań jaza qajet bolýy múmkin. Sebebi, bul másele memlekettiń ulttyq múddelerimen bailanysty jáne terroristik áreketke teńelýi múmkin», - dedi Toqaev.
Búgin Parlament Senatynyń otyrysynda «QR keibir zańnamalyq aktilerine esirtki, psihotroptyq zattar, sol tektester men prekýrsorlar ainalymyn baqylaý máseleleri boiynsha ózgerister men tolyqtyrýlar engizý týraly» QR Zań jobasy qabyldandy. Atalǵan zań esirtkiniń jańa túrlerine tyiym salýdy kózdeidi. Sondai-aq, búgingi otyrys barysynda senator Sáýle Aitbaeva elimizde esirtki máselesi asa ózekti ekenin aitty.
Buǵan deiin Senat otyrysynda Joǵarǵy sottyń úsh sýdiasy qyzmetinen bosatylǵan bolatyn. Sonymen qatar, «Tabiǵi monopoliialar týraly» zań jobasy qabyldandy. Jáne IIM esirtkiniń jańa túrlerine tyiym salatyn zań qajet ekenin aitty.
