Qazaqstan Prezidenti Qasym-Jomart Toqaev Túrkiiadaǵy alapat órtke bailanysty Rejep Taiip Erdoǵanǵa jedelhatyn joldady. Bul týraly memleket basshysynyń baspasóz hatshysy Berik Ýáli habarlady.
"Memleket basshysy Qasym-Jomart Toqaev Túrkiiada bolǵan alapat órt saldarynan eldiń ekonomikasy men týristik bazasyna orasan zor shyǵyn kelgenine jáne azamattardyń densaýlyǵyna aýyr zardabyn tigizgenine bailanysty Túrkiia prezidenti Rejep Taiip Erdoǵanǵa niettestik bildirgen jedelhat joldady", - dep jazdy Ýáli.
Qazaqstan Prezidenti óz jedelhatynda baýyrlas túrik halqyna gýmanitarlyq kómek kórsetýge daiyn ekenin atap ótip, prezident Rejep Erdoǵanǵa eldegi tabiǵat apatyna qarsy kúreste sáttilik tiledi.
Aita keteri, Túrkiiada sońǵy birneshe kúnde orman órti órship tur. Keshe Adana (Pos aýdany), Antalia (Manavgat, Akseki, Gazipasha), Mýgla (Marmaris, Kioidjegiz), Mersin (Aidyndjik, Silifke), Osmanie (Kadirli) aimaqtarynda on oshaq sóndirilip jatqany habarlandy. Órt saldarynan alty adam qaza boldy, 180-nen astamy zardam shekti. Kýrortta demalyp jatqan týrister qaýipsiz aimaqqa kóshirildi.
