Búgin Qazaqstan Prezidenti Qasym-Jomart Toqaev Úkimettiń jáne Memleket basshysyna tikelei baǵynyshty organdardyń jetekshilerimen keńes ótkizdi. Onda álemdegi qarjylyq-ekonomikalyq ahýal jáne onyń Qazaqstan ekonomikasyna áseri jóninde máseleler talqylandy, dep habarlaidy "Ult aqparat" Aqordaǵa silteme jasap.
Prezident Úkimetke, Ulttyq bankke jáne basqa da memlekettik organdarǵa birqatar naqty tapsyrma berdi. Basty tapsyrma – memlekettiń halyq aldyndaǵy barlyq áleýmettik mindettemelerin tolyq kólemde oryndaý.
Qasym-Jomart Toqaevtyń tapsyrmasy boiynsha, Premer-Ministrdiń tikelei basshylyǵymen Shuǵyl áreket etý shtaby quryldy. Daǵdarysqa qarsy is-qimyldar jospary ázirlenedi, iri kásiporyndarda halyqty jumyspen qamtýǵa qoldaý kórsetý jóninde arnaiy jospar daiyndalady. Prezident halyqty múmkindiginshe kóbirek jumyspen qamtý máselesin asa mańyzdy dep sanaidy.
Úkimet 2020-2022 jyldarǵa arnalǵan respýblikalyq biýdjetti naqtylaý jóninde usynys engizedi.
Memleket basshysy biýdjet shyǵyndaryn qysqartý, óńirlerde halyqty jumyspen qamtamasyz etý, elimizdiń qarjy-valiýtalyq naryǵyn turaqtandyrý, respýblikalyq jáne jergilikti biýdjetterdi ońtailandyrý boiynsha sharalar qabyldaý qajettigin aitty.
