Politsiia jáne sanitarlyq dárigerler karantin rejiminiń qatań saqtalýyn qamtamasyz etýi kerek. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy "Ult aqparat" Aqorda baspasóz qyzmetiniń Twitter-degi paraqshasyna silteme jasap.
«Indetke qarsy kúres karantin sharalary qatań saqtalǵan kezde ǵana nátijeli bolady. Muny sheteldiń tájiribesinen kórip otyrmyz. Al bizdiń elimizde qoǵamdyq tártip edáýir aqsap tur. Politsiia jáne sanitarlyq dárigerler karantin rejiminiń qatań saqtalýyn qamtamasyz etýi kerek», - dedi Memleket basshysy.
Qazaqstan Prezidenti bul, halyqtyń densaýlyǵy men azamattarymyzdyń qaýipsizdigi úshin asa qajet ekendigin basa aitty.
«Karantin rejimin buzǵandar jaýapqa tartylady. Sebebi olar tek óziniń ǵana emes, ózgelerdiń de densaýlyǵyna qaýip tóndiredi. Salǵyrttyqqa, beiqamdyqqa jol bermeý kerek», - dedi Qasym-Jomart Toqaev.
