Memleket basshysy energetika jáne injenerlik infraqurylymdy damytý máseleleri jóninde keńes ótkizdi, dep habarlaidy Aqorda.
Prezident Qasym-Jomart Toqaevtyń tóraǵalyǵymen energetika jáne injenerlik infraqurylymdy damytý máseleleri jóninde keńes ótti. Jiynǵa Premer-Ministr Álihan Smaiylov, Úkimet músheleri, memlekettik organdar men ulttyq kompaniialardyń basshylary, óńirlerdiń ákimderi qatysty.
Keńeske qatysýshylar Qazaqstandaǵy elektr energetikasy salasy men atom ónerkásibin damytýdyń perspektivalaryn, energiia tiimdiligin arttyrý jáne elektr energiiasy tapshylyǵyn sheshý máselelerin qarastyrdy.
Qasym-Jomart Toqaev turǵyn-úi kommýnaldyq sharýashylyǵyn jáne qýat óndirýshi stantsiialardy jańǵyrtý, jańa tehnologiialardy engizý jáne salany tsifrlandyrý, elektr jelilerindegi apattardy azaitý jóninde birqatar tapsyrma berdi.
Memleket basshysy Energetika ministrligi men Qarjy monitoringi agenttigine Qazaqstandaǵy zańsyz maining máselesin túbegeili sheshýdi tapsyrdy.
Jiyn barysynda Energetika ministri Bolat Aqsholaqov, «Samuryq-Qazyna» aktsionerlik qoǵamynyń basqarma tóraǵasy Almasadam Sátqaliev, Indýstriia jáne infraqurylymdyq damý ministri Qaiyrbek Óskenbaev, Ulttyq ekonomika ministri Álibek Qýantyrov, Básekelestikti qorǵaý jáne damytý agenttiginiń tóraǵasy Serik Jumanǵarin jáne basqalar baiandama jasady.
