Memleket basshysy Dúniejúzilik banktiń vitse-prezidenti Siril Miýllermen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda Dúniejúzilik banktiń Qazaqstandaǵy aldaǵy jyldarǵa arnalǵan josparlary talqylandy.
Siril Miýller Qasym-Jomart Toqaevqa ártúrli sektordaǵy yntymaqtastyqtyń qorytyndylary, sonyń ishinde, aýyl sharýashylyǵy, jańa tehnologiia jáne jasandy intellekt salalaryndaǵy birlesken jobalardyń júzege asyrylýy jóninde málimet berdi.
Sonymen qatar, memlekettik basqarýdyń tiimdiligin arttyrý jáne halyqqa kórsetiletin memlekettik qyzmet salalaryndaǵy ózara yqpaldastyq máseleleri qarastyryldy.
Dúniejúzilik bank tikelei sheteldik investitsiialar tartý boiynsha Qazaqstandy Ortalyq Aziiadaǵy kóshbasshy retinde moiyndaidy jáne osy baǵytta elimizge odan ári jan-jaqty qoldaý kórsetýge, sondai-aq, óńirlik kooperatsiianyń damýyna septigin tigizýge nietti.
