Memleket basshysy Qasym-Jomart Toqaev Polsha Prezidenti Andjei Dýdamen telefon arqyly sóilesti, - dep habarlaidy "Ult aqparat" Aqordaǵa silteme jasap.
Toqaev Polsha tarapynyń bastamasy boiynsha Prezident Andjei Dýdamen telefon arqyly áńgimelesti.
Prezidentter biyl eki el arasyndaǵy diplomatiialyq qatynastardyń 30 jyldyǵy atap ótiletinin aitty. Tarihi ólshem boiynsha osy qysqa merzim ishinde Qazaqstan men Polsha ózara tiimdi yntymaqtastyqty damytýda aitarlyqtai nátijelerge qol jetkizdi.
Sondai-aq taraptar saiasi jáne saýda-ekonomikalyq salalardaǵy ekijaqty yqpaldastyqty damytýdyń perspektivalaryn talqylady.
Memleket basshylary halyqaralyq kún tártibindegi meilinshe ózekti máseleler jóninde pikir almasty.
Áńgimelesý sońynda prezidentter ózara múddeni kózdeitin keń aýqymdy baǵyttar boiynsha syndarly dialogty jalǵastyrýǵa daiyn ekenin rastady.
