Prezident Qasym-Jomart Toqaev Ulttyq bank tóraǵasy Erbolat Dosaevty qabyldady, dep habarlaidy "Ult aqparat" Aqordaǵa silteme jasap.
Memleket basshysyna Ulttyq bank qyzmetiniń jáne elimizdegi qarjy naryǵynyń sońǵy 9 aidaǵy jaǵdaiy, infliatsiiany nysanaly dáliz sheńberinde saqtaý, ekonomikany kreditteýdiń sapaly ósýin qamtamasyz etý týraly baiandaldy. Sonymen qatar jeńildikpen nesieleý baǵdarlamalaryn iske asyrý sharalary, ekinshi deńgeili bankter aktivteriniń sapasyn táýelsiz baǵalaý jóninde málimet berdi.
E. Dosaev Memleket basshysynyń buǵan deiin bergen tapsyrmalarynyń oryndalý barysy jaiyna da toqtaldy. Atap aitqanda, Ulttyq bank tóraǵasy Prezidenttiń qiyn jaǵdaiǵa tap bolǵan azamattardyń tutyný kreditteri boiynsha qaryzdaryn keshirý, aiyppuldar men ósimpuldardy qysqartý jónindegi tapsyrmasy boiynsha atqarylǵan jumystardyń qorytyndysy týraly aitty.
Prezident Ulttyq bank tóraǵasyna qarjy sektoryndaǵy jumystardy tiimdi úilestirýdi tapsyrdy.
