Qazaqstan Prezidenti Citigroup bankiniń úkimetter men memlekettik sektor jónindegi jahandyq blogynyń basshysy Djýli Monakomen kezdesti, dep habarlaidy "Ult aqparat" Aqordaǵa silteme jasap.
Qasym-Jomart Toqaev EXPO-2017 kórmesine jáne AHQO basqarý jónindegi keńestiń jumysyna belsendi qatysqany úshin Citigroup basshylyǵyna rizashylyq bildirdi. Qazaqstan Prezidenti banktiń Qazaqstanǵa investitsiia tartý jáne innovatsiialyq jobalardy júzege asyrý isindegi úlesin joǵary baǵalady.
– Biz elimizdiń ornyqty ekonomikalyq damýyn qamtamasyz etýdi qalaimyz jáne ekonomikany ártaraptandyryp jatyrmyz. Bul - ońai mindet emes. Onyń barlyq qiyndyǵyn túsinemiz. Citigroup kompaniiasymen osy baǵyttaǵy tyǵyz yntymaqtastyǵymyzdy jalǵastyra bergimiz keledi, – dedi Memleket basshysy.
Djýli Monako Qasym-Jomart Toqaevty Prezident laýazymyna sailanýymen quttyqtap, Qazaqstan Citigroup kompaniiasynyń mańyzdy seriktesi ekenin atap ótti.
