Qazaqstan Prezidenti Qasym-Jomart Toqaev BUU Bas hatshysy Antoniý Gýterrishpen telefon arqyly sóilesti, dep habarlaidy "Ult aqparat" Aqordaǵa silteme jasap.
Taraptar álemdegi ahýaldyń qazirgidei jaýapty kezeńinde ózara yqpaldastyqty nyǵaitý máselelerin talqylady.
Memleket basshysy BUU-nyń keń kólemdegi halyqaralyq yntymaqtastyqty retteý jáne koronavirýs pandemiiasyna qarsy kúreste jekelegen memleketterdiń is-qimyldaryn úilestirý jónindegi bastamalaryn Qazaqstannyń qoldaitynyn málimdedi. Prezidenttiń aitýynsha, BUU Bas hatshysynyń jahandyq kelisim jariialaý, barlyq soǵystar men qaqtyǵystardy toqtatý týraly jýyrda aitqan usynysy ózekti bastama jáne barlyq qatysýshy memleketterdiń qoldaýyna laiyqty.
Qasym-Jomart Toqaev pen Antoniý Gýterrish álemdik uiymnyń qurylǵanyna 75 jyl tolýyna arnalǵan BUU Bas Assambleiasynyń aldaǵy merekelik sessiiasyna daiyndyq máselelerin talqylady. Memleket basshysy Qazaqstannyń BUU-nyń maqsattary men mindetterin tolyq qoldaitynyn, biregei ári balamasy joq institýtty odan ári damyta berýge atsalysatynyn aitty.
