Sizderdi Jeńis kúnimen shyn júrekten quttyqtaimyn!
9 mamyrdyń tól tarihymyzdaǵy orny erekshe. Bul - janqiiarlyqpen el qorǵaǵan atalarymyz ben ákelerimizdiń, ájelerimiz ben analarymyzdyń rýhyna taǵzym etetin kún. Bul - fashizmdi jeńgen erlerdiń eren erligin jadymyzda jańǵyrtatyn kún.
Surapyl soǵysta halqymyz kúsh-jigerin sarp etip, orasan zor shyǵynǵa ushyrady. Maidangerlerdiń qaharmandyǵy men qaisarlyǵynyń, tyl eńbekkerleriniń jankeshtiliginiń arqasynda jeńiske jettik. Eldiń azattyǵy men urpaqtyń jarqyn bolashaǵy úshin janyn pida etken bozdaqtarymyzdy máńgi este saqtaý - qasietti boryshymyz.
Ókinishke qarai, qan maidannyń qiiametin basynan ótkergen ardaqty aǵa býynnyń qatary jyl ótken saiyn sirei túsýde. Qazaqstanda Jeńistiń 77 jyldyǵyn nebári 376 ardager, 68 347 tyl eńbekkeri ǵana qarsy alyp otyr. Elimizdiń barsha azamattary ózderińizge bas iedi.
Memleket soǵys ardagerlerine jan-jaqty qoldaý kórsetip keledi. Olar qoǵamymyzdyń da qurmetin kórip, qamqorlyǵyna bólenýge tiis.
Barshańyzǵa zor densaýlyq, baq-bereke tileimin!
Jeńis kúni qutty bolsyn!", - delingen habarlamada.
