Prezident Qasym-Jomart Toqaev shaǵyn jáne mikrokásipkerlikti tekserýge moratorii engizdi, - dep habarlaidy Tengrinews.kz tilshisi.
"Qazaqstan Respýblikasynda tekserýlerge jáne profilaktikalyq baqylaý men qadaǵalaýdy baryp júrgizýge moratorii engizý týraly" 2019 jylǵy 26 jeltoqsandaǵy № 229 jarlyqtaǵy erekshelikter tizimi №13 tarmaqpen tolyqty.
"Ortalyq memlekettik jáne jergilikti atqarýshy organdar 2020 jylǵy 1 qańtardan bastap 2023 jylǵy 1 qańtarǵa deiin shaǵyn kásipkerlik sýbektilerine, onyń ishinde mikrokásipkerlik sýbektilerine tekserýler jáne profilaktikalyq baqylaý, qadaǵalaýdy baryp júrgizýdi toqtatsyn:
(...)
13) áreketterinde kartel belgileri baiqalatyn memlekettik satyp alýǵa qatysýshylarǵa Qazaqstan Respýblikasynyń básekelestikti qorǵaý salasyndaǵy zańnamasy talaptarynyń saqtalýyn tekserý".
Jarlyq resmi jariialanǵan kúninen bastap qoldanysqa engiziledi.
Eske salaiyq, 2019 jylǵy 26 jeltoqsandaǵy Jarlyqqa sáikes Prezident ortalyq memlekettik jáne jergilikti atqarýshy organdarǵa 2020 jylǵy 1 qańtardan bastap 2023 jylǵy 1 qańtarǵa deiin shaǵyn kásipkerlik sýbektilerine, onyń ishinde mikrokásipkerlik sýbektilerine tekserýler jáne profilaktikalyq baqylaý, qadaǵalaýdy baryp júrgizýdi toqtatý týraly qaýly shyǵarǵan bolatyn:
- halyqtyń ómiri men densaýlyǵyna, qorshaǵan ortaǵa, zańdylyq pen qoǵamdyq tártipke jappai qater tóndiretin quqyqbuzýshylyqtardy bolǵyzbaýǵa nemese joiýǵa; konstitýtsiialyq qurylys pen ulttyq qaýipsizdikke tikelei qater tóndirýge baǵyttalǵan, sondai-aq "Qarjy naryǵy men qarjy uiymdaryn memlekettik retteý, baqylaý jáne qadaǵalaý týraly" 2003 jylǵy 4 shildedegi Qazaqstan Respýblikasynyń zańynda kózdelgen máseleler boiynsha júrgiziletin tekserýler;
- Qazaqstan Respýblikasynyń zańnamasynda belgilengen talaptardy buzý derekteriniń sebepterin anyqtaý úshin naqty baqylaý jáne qadaǵalaý sýbektisine qatysty naqty derek boiynsha bir jospardan tys tekserý júrgizý jetkiliksiz bolǵan jáne osy naqty derekke bailanysty ózge sýbektilerge qatysty baqylaý men qadaǵalaý talap etilgen jaǵdailarda, osy tarmaqtyń 1) tarmaqshasyna sáikes tekserýler júrgizý;
- kásipkerlik sýbektileriniń óz qyzmetine qatysty ótinishteri negizinde, onyń ishinde "Ruqsattar jáne habarlamalar týraly" 2014 jylǵy 16 mamyrdaǵy Qazaqstan Respýblikasynyń zańyna sáikes ruqsat alýǵa ótinish boiynsha júrgiziletin tekserýler jáne profilaktikalyq baqylaýdy baryp júrgizý qaǵidalaryn bekitý týraly;
- 2014 jylǵy 4 shildedegi Qazaqstan Respýblikasynyń Qylmystyq is júrgizý kodeksinde kózdelgen máseleler boiynsha tekseris júrgizý;
- Qazaqstan Respýblikasy Prezidentiniń jáne Qazaqstan Respýblikasy bas prokýrorynyń tapsyrmasy boiynsha prokýratýra organdaryn tekserý;
- kedendik tekserýler;
- qarsy salyq tekserýleri;
- salyq tóleýshi men onyń debitorlary arasyndaǵy ózara esep aiyrysýlardy aiqyndaý, salyq organdarynda tirkeý esebine qoiý, salyq organy shyǵarǵan kassa boiynsha shyǵys operatsiialaryn toqtata turý týraly ókimderdi oryndaý máselelerine qatysty taqyryptyq salyqtyq tekserýler;
- halyqtyń sanitariialyq-epidemiologiialyq jaǵdaiy salasyndaǵy ónim qaýipsizdigin baqylaýdy júzege asyrý úshin ónimdi irikteý jáne sanitariialyq-epidemiologiialyq saraptama júrgizý maqsatynda baryp júrý arqyly profilaktikalyq qadaǵalaý júrgizý;
- Qazaqstan Respýblikasynyń sáikestikti baǵalaý salasyndaǵy akkreditteý týraly zańnamasynyń saqtalýyn tekserý jáne profilaktikalyq baqylaý;
2020 jyldyń qyrkúieginde tizim 12-tarmaqpen tolyqty. Memlekettik aýdit jáne qarjylyq baqylaý nysandary erekshe jaǵdailarǵa engizildi.
