Prezident Qasym-Jomart Toqaev Túrkistan jurtshylyǵymen kezdesýde Jastar týraly sóz qozǵady, dep habarlaidy "Ult aqparat" Aqordanyń tvitterdegi paraqshasyna silteme jasap.
"Elimizdiń jastary men talantty azamattary memlekettik qyzmette ilgerileý úshin arnaiy kadrlyq baǵdarlama daiyndaimyz. Bolashaǵymyz jastardyń qolynda! Elimizdiń erteńi de – jastar! Biz jastarǵa jańa múmkindikter berýimiz kerek. Bul – biznes ashý, bilim alý, jumysqa ornalasý, tabys tabý degen sóz. Óz ómirin jaqsartýǵa, mansaby boiynsha joǵarylaýǵa arnalǵan áleýmettik liftter is júzinde jumys isteýi kerek" delingen Aqordanyń tvitterdegi paraqshasynda.
Sondai-aq, Memleket basshysy ákimderge imidjdik is-sharalardy azaitý týraly tapsyrma berdi.
"Memlekettik shyǵystardyń basty mindeti – qarapaiym adamdardyń máselelerin sheshý. Qazir ortalyqta jáne jergilikti jerlerde ótkiziletin imidjdik is-sharalardy kúrt azaitý kerek. Men Úkimetke, ákimderge osyndai tapsyrma júkteimin. Ysyrapshylyqqa memleket deńgeiinde tosqaýyl qoiýymyz qajet. Turǵyndarymyzǵa taza aýyz sý, baspana, jumys oryndary, jaily ómir úshin infraqurylym qajet. Mine, biz osy mindetterdi sheshetin bolamyz. Ministrler men ákimderdiń jumysyn naqty problemalardy sheshý nátijeleri boiynsha baǵalaityn bolamyn. Qazaqstannyń ekonomikalyq jáne áleýmettik damýynyń mańyzdy faktorlary – deni saý ult, densaýlyq saqtaý salasyn damytý jáne salamatty ómir saltyn qalyptastyrý", - dep atap ótti Qasym-Jomart Toqaev.
.jpeg)