Foto: Akorda.kz
Memleket basshysy Qasym-Jomart Toqaev qazaqstandyqtardy Respýblika kúnimen quttyqtady, - dep habarlaidy "Ult aqparat" Aqordaǵa silteme jasap.
"Qurmetti otandastar!
Barshańyzdy ulttyq merekemiz – Respýblika kúnimen shyn júrekten quttyqtaimyn!
Qazaqstannyń tarihi tańdaýyn aiqyndaǵan Egemendik deklaratsiiasy – eldigimizdiń berik tuǵyry. Onda memleketimizdiń aýmaqtyq tutastyǵynyń myzǵymastyǵy, halqymyzdyń jalpyulttyq biregeiligin nyǵaitýǵa umtylysy jáne azamattarymyzdyń quqyqtary men bostandyqtaryna kepildik beriletindigi naqty kórinis tapqan. Osy basty qaǵidattar Konstitýtsiiamyzda, zańdarda jáne Qazaqstannyń strategiialyq baǵyt-baǵdaryn belgileitin basqa da qujattarda kórsetilgen.
Respýblika kúni yrysty yntymaq pen ózara tileýlestiktiń arqasynda halqymyzdyń barlyq syn-qaterden súrinbei ótip, azattyqqa jetkenin áigileidi. Biz babalar amanatyna adal bolamyz. El birligin árdaiym nyǵaita beremiz. Egemendigimizdi qadir tutyp, kózdiń qarashyǵyndai saqtaimyz.
Halqymyz tatý-tátti ári berekeli qoǵam qurýǵa bar erik-jigerin jumsaidy, jasampaz isimen jańa belesterdi baǵyndyrady. Árbir otandasymyz Adal azamat degen atqa laiyq bolyp, elimizdi damytýǵa salmaqty sózimen, ónegeli isimen úles qosady.
Biz birge maqsatymyzǵa jetemiz – barshaǵa birdei múmkindik beretin Ádiletti Qazaqstandy quramyz.
Bairaǵymyz kók aspanda asqaq jelbiresin! Ulttyń rýhy qashanda biik bolsyn! Elimiz ósip-órkendei bersin!
Sizderge zor densaýlyq, baq-bereke jáne tolaǵai tabys tileimin!" - dep jazdy Prezident.
