Foto: Akorda.kz
Prezident Qasym-Jomart Toqaev qazaqstandyqtardy Abai kúnimen quttyqtady, - dep habarlaidy "Ult aqparat".
"Barshańyzdy Abai kúnimen quttyqtaimyn! Hakim Abai - ult rýhaniiatyn damytýǵa ólsheýsiz úles qosqan kemeńger. Ulaǵatty urpaq tárbieleý isinde Abai ósietiniń mańyzy zor. Adal azamat uǵymy uly aqynnyń "tolyq adam" tujyrymynan bastaý alady. Biz Abai murasyn nasihattaýdy jalǵastyra beremiz", - dep jazdy Memleket basshysy óziniń Twitter paraqshasynda.
10 tamyzda qazaqstandyqtar dástúrli túrde Abai kúnin toilaidy. Qazaqtyń uly aqyny, jazba ádebietiniń negizin salýshy, aǵartýshy Abai Qunanbaevtyń týǵan kúni resmi mereke kúni bolyp sanalady.
Jańa mereke 2020 jyly aqynnyń 175 jyldyq mereitoiy toilanǵan kezde bekitildi. Sol jyldyń 5 tamyzynda bul kún merekelerdiń resmi tizimine endi.
