Prezident Qasym-Jomart Toqaev órt sóndirýshilerdi marapattaý týraly Jarlyqqa qol qoidy, - dep habarlaidy "Ult aqparat" Aqorda baspasóz qyzmetine silteme jasap.
"Memleket basshysy Astanadaǵy kópqabatty úide bolǵan órt kezinde erlik kórsetken jáne birneshe adamnyń ómirin qutqarǵan elordalyq órt sóndirýshilerdi Qazaqstan Respýblikasynyń memlekettik nagradalarymen marapattaý týraly Jarlyqqa qol qoidy", - delingen habarlamada.
Qyzmettik boryshyn atqarý kezinde kórsetken batyldyǵy men janqiiarlyǵy úshin Tótenshe jaǵdailar ministrligi Astana qalasy Tótenshe jaǵdailar departamenti órt sóndirý jáne avariialyq-qutqarý jumystary qyzmeti jedel kezekshisiniń kómekshisi Asqar Zabikýlin I dárejeli "Aibyn" ordenimen, Tótenshe jaǵdailar ministrligi Astana qalasy Tótenshe jaǵdailar departamenti órt sóndirý jáne avariialyq-qutqarý jumystary qyzmeti № 10 órt sóndirý bóliminiń bólimshe komandiri Aian Kempirov III dárejeli "Aibyn" ordenimen marapattaldy.
Asqar Serikuly Zabikýlin – azamattyq qorǵaý kapitany. 1994 jyly 5 qańtarda Aqmola oblysyndaǵy Eńbekshilder aýdanynyń Kazgorodok aýylynda dúniege kelgen. Kókshetaý tehnikalyq institýtyn bitirgen. Eńbek jolyn "Qaraótkel" PCh-9 órt sóndirý beketiniń qaraýyl bastyǵy bolyp bastaǵan. 2021 jyly Astana qalasy tótenshe jaǵdailar departamentiniń órt sóndirý jáne avariialyq-qutqarý jumystary qyzmeti jedel kezekshisiniń kómekshisi qyzmetine taǵaiyndaldy.
Aian Almatuly Kempirov – azamattyq qorǵaý aǵa serjanty. 1988 jyly 5 mamyrda Qostanai qalasynda dúniege kelgen. Qaraǵandy politehnikalyq kolledjin mehanik sarapshy mamandyǵy boiynsha bitirgen. 2021 jyly tótenshe jaǵdailar ministrligi Astana qalasy tótenshe jaǵdailar departamenti órt sóndirý jáne avariialyq-qutqarý jumystary qyzmeti №10 órt sóndirý bóliminiń bólimshe komandiri laýazymyna taǵaiyndaldy.
Eske sala keteiik, keshe Astanada Momyshuly dańǵyly boiyndaǵy 15 qabatty úide qatty órt shyqqan bolatyn. Qutqarýshylar bes adamdy órtten alyp shyqty.
