Prezident Qasym-Jomart Toqaev Olimpiadanyń ashylý rásimine qatysý úshin Beijińge jumys saparymen barady. Bul týraly Memleket basshysynyń baspasóz hatshysy Berik Ýáli málimdedi, - dep habarlaidy "Ult aqparat".
"Aqpannyń 4-5 kúnderi Memleket basshysy Qasym-Jomart Toqaev QHR tóraǵasy Si Tszinpinniń shaqyrýymen XXIV qysqy Olimpiada oiyndarynyń ashylý saltanatyna qatysý úshin Beijińge jumys saparymen barady. Sonymen qatar, sapar barysynda Qazaqstan Prezidenti men Qytai tóraǵasy ekijaqty kelissóz júrgizedi dep josparlanyp otyr", - delingen habarlamada.
