Memleket basshysy Qasym-Jomart Toqaev Túrikmenstan Prezidenti Gýrbangýly Berdimuhamedovpen kezdesti, dep habarlaidy "Ult aqparat".
Kezdesý barysynda taraptar Qazaqstan men Túrikmenstan arasyndaǵy ózara senim men ashyqtyqqa qurylǵan saiasi túsinistiktiń joǵary ekenin atap aitty.
Qazaqstan Prezidenti túrikmen kóshbasshysyna qonaqjailylyǵy úshin rizashylyǵyn bildirip, onyń qazaq-túrikmen qarym-qatynasyna qosqan úlesine toqtaldy.
– Kieli túrikmen jerine tabanym tigen alǵashqy sátterden bastap maǵan kórsetken qurmetińizge rizamyn. Óziniń ásemdigimen kóz tartatyn Ashhabad qalasyna taǵy kelgenime qýanyshtymyn. Menimen birge úlken delegatsiia keldi. Bizdiń kóptegen perspektivaly jobalarymyz bar. Elderimiz arasyndaǵy áriptestik óte joǵary deńgeide damyp keledi dep oilaimyn. Bul turǵyda Qazaqstannyń Tuńǵysh Prezidenti Nursultan Ábishuly Nazarbaev pen ózińizdiń úlesterińiz zor, – dedi Qasym-Jomart Toqaev.
Memleketter basshylary ekijaqty kezdesýdiń kún tártibindegi aimaqtaǵy jaǵdai, ártúrli halyqaralyq format sheńberindegi ózara is-qimyldar sekildi aýqymdy máseleler talqylady.
