Foto: zhambyl.gov.kz
Prezident Qasym-Jomart Toqaev kórnekti memleket jáne qoǵam qairatkeri Berdibek Saparbaevtyń dúnieden ótýine bailanysty otbasy men jaqyn týystaryna kóńil aitý jedelhatyn joldady, - dep habarlaidy "Ult aqparat" Aqordaǵa silteme jasap.
"Berdibek Mashbekuly uzaq jylǵy eseli eńbek jolynda laýazymdy qyzmetterdi abyroimen atqaryp, elimizdiń saiasi-ekonomikalyq, áleýmettik-mádeni órkendeýine jáne óńirlerdi damytýǵa mol úles qosqan edi. Memleketimizdiń syndarly saiasatyn zor biliktilikpen júrgize bildi. Qazaqstannyń bedeli men mártebesiniń arta túsýine qajyr-qairatyn jumsady. Azamattyq qadir-qasietimen el ishinde qurmetke bólendi. Sońyna óshpes iz qaldyrǵan Berdibek Mashbekulynyń esimi men jarqyn beinesi halqymyzdyń júreginde máńgi saqtalady. Marqumnyń imany salamat, jany jánnatta bolsyn", – dep jazylǵan jedelhatta.
