Qasym-Jomart Toqaev AQSh prezidenti Djozef Baidenge kóńil aitý jedelhatyn joldady, - dep habarlaidy "Ult aqparat" Aqorda baspasóz qyzmetine silteme jasap.
Memleket basshysy Amerika Qurama Shtattarynyń prezidenti Djozef Baidenge Tehas shtatynyń Ývalde qalasyndaǵy Robb bastaýysh mektebinde bolǵan atys saldarynan mektep oqýshylary men basqa da azamattardyń qaza bolýyna bailanysty kóńil aitý jedelhatyn joldady.
"Qazaqstan halqynyń jáne jeke óz atymnan qaza tapqandardyń otbasylaryna shyn júrekten kóńil aitamyn jáne zardap shekkenderdiń tezirek saýyǵyp ketýine tilektespin. Men tehastyqtardyń jáne Sizdiń barlyq otandasyńyzdyń qaiǵysyna ortaqtasamyn", - delingen Qazaqstan Prezidentiniń jedelhatynda.
