Foto: Aqordanyń baspasóz qyzmeti
Qasym-Jomart Toqaev "Batys Qazaqstan mashina jasaý kompaniiasy" aktsionerlik qoǵamyna baryp, zaýyttyń jumysymen tanysty, - dep habarlaidy "Ult aqparat" Aqordanyń baspasóz qyzmetine silteme jasap.
Zaýyt basshysy kásiporynnyń munai men gaz, kúrdeli metall konstrýktsiialaryn óndirýge, óńdeýge, tasymaldaýǵa arnalǵan joǵary tehnologiialyq jabdyqtar shyǵarýmen ainalysatynyn baiandady.
Kompaniia - General Electric kompaniiasynyń gaz týrbinasy boiynsha strategiialyq seriktesi.
Zaýyt aýmaǵynda "Baker Hughes General Electric Company" sertifikattaǵan jáne BHGE mamandarynyń usynystaryna sáikes zamanaýi tehnologiialyq quraldarmen jabdyqtalǵan qyzmet kórsetý ortalyǵy jumys isteidi.
Sondai-aq zaýyt aýyl sharýashylyǵynyń qajettilikteri úshin Fregat sebelep sýaratyn mashinalar óndirisin damytý jobasyn júzege asyrýdy josparlap otyr.
Kásiporyn jumysymen tanysqan Memleket basshysy jańa jobalardy júzege asyrýdyń mańyzdylyǵyn atap ótti.
Onyń pikirinshe, óndiris orny munai-gaz jáne energetika salalaryna arnalǵan joǵary tehnologiialyq jabdyqtar shyǵarady, sondyqtan bul salalarda otandyq mashina jasaý ónimderiniń úlesin arttyrý mańyzdy.
