Qazaqstan Prezidenti Bas prokýror Ǵizat Nurdáýletovti qabyldady, dep habarlaidy Aqorda.
Qadaǵalaý vedomstvosynyń jetekshisi Memleket basshysyna Tótenshe jaǵdai kezinde elimizdegi quqyqtyq tártipti saqtaý úshin qabyldanǵan sharalar týraly baiandady.
Qasym-Jomart Toqaevqa Bas prokýratýradaǵy jáne jergilikti jerlerdegi is-qimyldar men sheshimderge der kezinde quqyqtyq baǵa berý úshin shuǵyl áreket etý shtabtary qurylǵany jaiynda málimet berildi.
Ǵizat Nurdáýletov jekelegen meditsinalyq qural-jabdyqtardy qoldan qymbattatýǵa jol bermeý, jalǵan jáne arandatýshylyq aqparattardyń taralýyna qarsy kúresý maqsatynda, sondai-aq, Tótenshe jaǵdai rejiminiń buzylýyna qatysty quqyq qorǵaý organdarynyń qabyldaityn sharalary týraly aitty.
Qazaqstan Prezidenti azamattardyń quqyqtary men qoǵam múddesin saqtaýdyń, ýaqytsha shekteý sharalary kezinde zańdylyqty qamtamasyz etýdiń mańyzdylyǵyna basa mán berdi.
