QR Prezidenti Qasym-Jomart Toqaev Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanulyn qabyldady, dep habarlaidy Aqordanyń resmi saity.
Memleket basshysyna Qazaqstan musylmandary dini basqarmasynyń pandemiia kezinde jasaǵan qaiyrymdylyq sharalary jaiynda málimet berildi. Naýryzbai qajy Taǵanuly indet kezinde múftiiat tarapynan aýrýhanalarǵa jasandy tynys alý, ottegi apparattary men meditsinalyq qural-jabdyqtar, muqtaj jandarǵa dári-dármekter, meshitterdiń janyndaǵy tigin tsehtarynda tigilgen betperdeler men qorǵanys kiimderiniń tegin taratylǵanyn atap ótti. Sonymen qatar «El úlesi – páterde» aktsiiasy aiasynda 314 baspana berilgenin aitty. Budan bólek imamdardyń bilimin kóterý, kadr daiarlaý máseleleri jaiynda baiandady.
Naýryzbai qajy Taǵanuly Qasym-Jomart Toqaevqa múftiiat aldaǵy ýaqytta «Ihsan» ilimin, Abaidyń kemel adam kontseptsiiasyn keńinen dáriptep, nasihattaý jumystarymen ainalysatynyn jetkizdi.
Kezdesý barysynda Qazaqstan musylmandary dini basqarmasynyń aldaǵy josparlary týraly da sóz boldy. Atap aitqanda, Islam akademiiasyn qurý, Islam jáne teologiia kitaphanasyn salý, elimizdegi meshitterdiń arhitektýrasyn qazaqy salt-sanaǵa sai qalyptastyrý máseleleri aityldy.
Kezdesý sońynda Prezident Qasym-Jomart Toqaev Qazaqstan musylmandary dini basqarmasynyń jumysyn joǵary baǵalap, aldaǵy bastamalaryna sáttilik tiledi.
