Foto: Akorda.kz
Prezident oqý-aǵartý ministri Ǵani Beisembaevty qabyldady, - dep habarlaidy "Ult aqparat" Aqordanyń resmi saityna silteme jasap.
Memleket basshysyna mektepke deiingi, orta, tehnikalyq jáne kásiptik bilim berý salalaryn damytý úshin qabyldanyp jatqan sharalar jóninde málimet berildi.
Prezidentke biyl qyrkúiek aiynan bastap mektepke deiingi bilim berý mekemelerindegi pedagogtardyń eńbekaqysy 30 paiyzǵa ósetini týraly baiandaldy. Jyl sońyna deiin balabaqshalarda 81 myń oryn ashý josparlanyp otyr. Sonymen qatar halyqtyń áleýmettik osal toptaryna jatatyn 98 myń bala tegin ystyq tamaqpen qamtamasyz etiledi.
Oqý-aǵartý ministriniń aitýynsha, pedagogtardy attestattaý rásimi jetildirilip jatyr. Endi olardyń kásibi biliktiligi pándi qanshalyqty jaqsy biletinine qarai, al jumysynyń nátijesi bilim alýshylardyń oqý jetistikteri negizinde baǵalanady.
Ǵani Beisembaev biyl 1 qyrkúiekten bastap 1-4 synyp oqýshylary tolyqtai tegin tamaqpen qamtamasyz etiletinin aitty. Sondai-aq bilim berý uiymdaryn dabyl túimelerimen, litsenziiasy bar kúzetpen, týrnikettermen jáne jedel basqarý ortalyqtaryna qosylǵan beinebaqylaý júielerimen jabdyqtaý josparlanyp otyr.
Sonymen qatar Memleket basshysyna Aýyl mektepterin damytý tujyrymdamasy tanystyryldy. Biyl tehnikalyq jáne kásiptik bilim alýshy stýdentterdiń 80 paiyzy tegin oqidy. Qyrkúiek aiynan bastap olardyń shákirtaqysy 50 paiyzǵa, al kelesi jyly 100 paiyzǵa artady. Kásiporyndar kolledj túlekterin mindetti túrde jumysqa ornalastyrý shartymen mamandardy maqsatty daiarlaý isine alǵash ret atsalysyp otyr.
Kezdesý sońynda Prezident Qasym-Jomart Toqaev Oqý-aǵartý ministrine bilim berý júiesin odan ári jetildirý jáne balalardyń qaýipsizdigin qamtamasyz etý isine udaiy kóńil bólýdi tapsyrdy.
