Prezident Qasym-Jomart Toqaev Respýblikalyq qoǵamdyq shtabta ótken jiynda Qazaqstanda áleýmettik salada, ekonomikada jáne saiasatta kóptegen júieli másele jinaqtalǵanyn aitty, - dep habarlaidy "Ult aqparat" Tengrinews.kz agenttigine silteme jasap.
"Týrasyn aitaiyn: elimizde áleýmettik salada, ekonomika men saiasatta kóptegen júieli máseleler qordalanyp qalǵan, azamattardyń memleket pen bilikke degen senimsizdigi artty. Bul memleketimizdiń turaqty damýyna kedergi keltiredi, jasampazdyq múmkindikterin shekteidi. Endigi jerde bizdiń memlekettik saiasatta ádilettilik ideiasy eń mańyzdy orynǵa ie bolady", - dedi Memleket basshysy.
Onyń aitýynsha, "qabyldaǵan árbir sheshimniń, árbir áreketimizdiń negizinde ádildik ideiasy bolady".
"Biz basty bailyǵymyz jáne básekelestik artyqshylyǵymyz – adamdar ekenine súienemiz. Sondyqtan "adam memleket úshin emes, memleket adam úshin" formýlasyn berik ustanamyz. Ádil Qazaqstandy qurý úshin, biz ózara bailanysty úsh qaǵidatqa negizdelgen jańa memlekettik saiasatqa kóshemiz", - dedi Toqaev.
