QR Prezidenti - Qarýly kúshterdiń Joǵarǵy Bas qolbasshysy Qasym-Jomart Toqaev Qaraǵandy oblysynda ótip jatqan «Aibyn» respýblikalyq áskeri-patriottyq jastar jiynynda sóz sóiledi, dep habarlaidy "Ult aqparat" Aqordanyń Twitter paraqshasyna silteme jasap.
Jiynda Qasym-Jomart Toqaev sarbazdarǵa jalyndy tilegin arnady.
«Otanymyz - Máńgilik eldiń bedelin arttyra berý - Senderge artylǵan zor úmit. Sondyqtan, jastarymyz ulttyq qundylyqtarymyzǵa adal bolyp, Qazaqstannyń jetistikterin eselei beredi dep men kámil senemin.
Jaqsy dástúrge ainalǵan «Aibyn» áskeri-patriottyq jiyny – otanshyl jastardy adal qyzmet etýge, El qorǵany bolýǵa tárbieleitin dál osyndai biregei alań.
Áskeri-patriottyq qozǵalystyń basty maqsaty – ózderińiz siiaqty jalyndy jastardyń basyn qosyp, el damýyna qajetti mańyzdy jumystarǵa belsene aralastyrý, kúsh jumyldyrý. Otan úshin aianbai eńbek etý – barshamyzǵa ortaq mindet.
Jasampazdyq, beibitshilik pen kelisim, halqymyzdyń birligi, Otanǵa degen súiispenshilik jáne bárimizge ortaq taǵdyr joly – bizdiń halqymyzdy biriktiretin qundylyqtar. Bul qundylyqtar – jastardyń basty baǵdaryna ainalýy tiis», - dedi QR Prezidenti.
Memleket basshysy sóz sóilegennen keiin «Aibyn» týy kóterildi. Týdy kóterýdiń erekshe quqyǵy «Qaisar» áskeri-patriottyq klýbynyń kapitany, «Aibyn-2018» gran-pri iegeri Ashat Maqyshevqa berildi.
Odan keiin «Jas sarbaz» respýblikalyq qoǵamdyq birlestiginiń tóraǵasy, aǵa leitenat Meiirbek Mendiǵaliev jiynnyń qatysýshylarymen birge jarystardy ádil ótkiz týraly ant berdi.
Saltanatty ashylý rásimi barysynda qurlyq áskerleri áskeri bólimderiniń áskeri qyzmetshileri, áýe qorǵanysy kúshteri quramy qarý-jaraq pen áskeri tehnikanyń jaýyngerlik múmkindikterin kórsetti (artilleriiadan, tankiden, armiialyq aviatsiia tikushaqtarynan jáne zamanaýi kóp fýnktsionaldy SÝ-30 SM joiǵyshtary).
Besinshi áskeri-patriottyq jastar jiyny 22 maýsymǵa deiin jalǵasady. Jarystardyń qorytyndysy boiynsha úzdik komandalar men airyqsha kózge túsken qatysýshylar marapattalady.
