QR Prezidenti Qasym-Jomart Toqaev «Qazaqtelekom» AQ Basqarma tóraǵasy Qýanyshbek Eskeevti qabyldady, dep habarlaidy "Ult aqparat" Aqordaǵa silteme jasap.
Memleket basshysyna «Qazaqtelekom» aktsionerlik qoǵamynyń 2019 jylǵy qortyndylary jaiynda baiandalyp, Smart city tujyrymdamasynyń oryndalý barysy, «Smart Aqkól» jobasy boiynsha atqarylyp jatqan jumystar týraly aityldy.
Sonymen qatar Qýanyshbek Eskeev Qazaqstan Prezidentine «Qazaqtelekom» aktsionerlik qoǵamynyń «Kcell» jáne «Tele2» kompaniialarynyń aktsiialaryn satyp alǵany, olardyń jumysyn integratsiialaý sharalary, mobildi qyzmet jobasynyń júzege asyrylýy jóninde de málimet berdi.
Kezdesý sońynda Qasym-Jomart Toqaev Qýanyshbek Eskeevke eldi mekenderdi tolyqtai mobildi bailanyspen qamtamasyz etip, aýyldardaǵy mektepter men meditsinalyq pýnktterge internet jelisin jetkizýdi, sondai-aq, olardyń baǵasyn qymbattatpaýdy tapsyrdy.
