Memleket basshysy Qasym-Jomart Toqaev Prezident Ákimshiligi men Syrtqy ister ministrligine Aýǵanstanǵa qatysty máseleler boiynsha memlekettik organdardyń qyzmetin úilestirý tapsyrdy. Bul týraly QR Prezidenti tvitter paraqshasynda jazdy, dep habarlaidy "Ult aqparat".
«Prezident Ákimshiligi men Syrtqy ister ministrligine Aýǵanstanǵa qatysty máseleler boiynsha memlekettik organdardyń qyzmetin úilestirý tapsyryldy. Kabýldaǵy Qazaqstan elshiligi shaǵyn quramda jumys isteýde. Qyzmetkerlerdiń qaýipsizdigin qamtamasyz etý sharalary qabyldanyp jatyr», - dep jazdy Prezident.
Eske salsaq, buǵan deiin Memlekt basshysy Qasym-Jomart Toqaev Aýǵanstandaǵy jaǵdai boiynsha kúshtik qurylymdardyń basshylarymen jiyn ótkizgeni týraly habarlandy.
