Memleket basshysy "Atameken" Ulttyq kásipkerler palatasyn odan ári damytý strategiiasymen tanysty, - dep habarlaidy "Ult aqparat".
Prezident "Atameken" Ulttyq kásipkerler palatasy prezidiýmynyń tóraǵasy Raiymbek Batalovty qabyldady. Qasym-Jomart Toqaevqa UKP-ny transformatsiialaý joldary týraly aityldy.
Raiymbek Batalov biylǵy aqpanda ótken Kásipkerler palatasynyń kezekten tys sezinde mikro jáne shaǵyn biznesti qoldaýǵa mán berip, mekemeniń qyzmetin transformatsiialaý týraly sheshim qabyldanǵany týraly aitty. Sondai-aq, "Atameken" basshysy Almatyda shaǵyn jáne orta biznesti damytý baǵdarlamasynyń júzege asyrylýy jóninde málimet berdi.
Memleket basshysyna salalyq saraptamanyń sapasy men jaýapkershiligin arttyrý úshin biznesti jumyldyrý jónindegi UKP-nyń jospary tanystyryldy. Palata memlekettik organdardyń baǵdarlamalyq qujattary men buiryqtaryna qatysty jobalardy biznespen birge talqylap, aprobatsiiadan ótkizýge nietti. Bul memleket pen biznestiń ózara konstrýktivti yqpaldastyǵyn nyǵaitýǵa múmkindik beredi.
Kezdesý barysynda bizneske jasalatyn zańnamalyq deńgeidegi qysymdy azaitýǵa, sot pen prokýratýra organdarynyń biznesti qorǵaý jónindegi tiimdiligin arttyrýǵa erekshe nazar aýdaryldy.
Qasym-Jomart Toqaev palatanyń biznes pen bilik arasyndaǵy yqpaldastyqtyń altyn kópiri bolýǵa tiis ekenin erekshe atap ótip, "Atamekenniń" qyzmetin júieli túrde ózgertý qajettigin qoldady.
Sonymen qatar, Prezident biznes-ortany biýrokratiiadan aryltý jóninde qabyldanyp jatqan sharalardy jáne júktelgen mindetterdi jyldam ári tiimdi sheshý úshin transformatsiia kezinde prezidiým tóraǵasy men palata basqarmasynyń pozitsiialaryn qosý qajet ekenin maquldady.
Memleket basshysy kásipkerlikti damytýǵa jáne biznes-qoǵamdastyqtyń quqyǵyn qorǵaýǵa yqpal etetin institýt retinde UKP-ny reformalaý jumystaryn jandandyrýdy tapsyrdy.
