Foto: Akorda.kz
Memleket basshysy Astana qalasynyń ákimi Jeńis Qasymbekti qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Prezidentke qalanyń 2022 jylǵy áleýmettik-ekonomikalyq damý kórsetkishteri jáne osy jylǵa arnalǵan jospary týraly baiandaldy.
Memleket basshysynyń tapsyrmasy boiynsha elorda ákimdigi áleýmettik nysandar salýǵa, eldi mekenderdi damytýǵa, uzaqqa sozylǵan qurylystardy aiaqtaýǵa, jeke investitsiialar tartýǵa, shaǵyn jáne orta biznesti qoldaýǵa baǵyttalǵan júieli jumys júrgizip jatyr.
Jeńis Qasymbek "Jaily mektep" jobasynyń iske asyrylý barysy týraly esep berdi. Ulttyq joba aiasynda jańa formattaǵy 100 myń oryndyq 25 mekteptiń jobasy jasalyp jatyr. Mektepterdiń qurylysy biyl bastalady.
Sonymen qatar Memleket basshysyna aýyzsý stantsiiasy (SSS-3), jylý elektr ortalyqtary, gaz jylý stantsiialary qurylystarynyń barysy týraly málimet berildi. Mysaly, SSS-3 stantsiiasynyń qýaty táýligine 100 tekshe metrden astam sýdy tazalap, jetkizýge jetedi. "Turan" gaz jylý stantsiiasy 8 million sharshy metr turǵyn úidi jylytýǵa qaýqarly. Turǵyndarynyń turmys-tirshiligin qamtamasyz etetin nysandardyń qurylysyn 2023 jyly aiaqtaý josparlanyp otyr.
Kezdesý sońynda Qasym-Jomart Toqaev Astananyń áleýmettik jáne injenerlik infraqurylymyn odan ári damytý, qalany abattandyrý jáne kógaldandyrý jóninde birqatar tapsyrma berdi.
