Prezident Qasym-Jomart Toqaev áskeri qyzmetshilerdiń turǵyn úi máselelerin sheshýge baǵyttalǵan zańǵa qol qoidy, - dep habarlaidy Tengrinews.kz tilshisi Aqordaǵa silteme jasap.
"Memleket basshysy "Qazaqstan Respýblikasynyń keibir zańnamalyq aktilerine áskeri qyzmet jáne arnaýly memlekettik organdar qyzmetkerleri men áskeri qyzmetshilerdiń turǵyn úi qatynastary máseleleri boiynsha ózgerister men tolyqtyrýlar engizý týraly" Qazaqstan Respýblikasynyń Zańyna qol qoidy", - delingen mátinde.
Zań áskeri qyzmetshiler men arnaiy memlekettik organdar qyzmetkerleriniń áleýmettik qamsyzdandyrylýyn jaqsartýǵa, olqylyqtar men qaishylyqtary bar áskeri qyzmet ótkerý máselelerin reglamentteýge múmkindik beredi. Zań jobasynda úsh zańǵa túzetýler engizý qarastyrylǵan.
"Turǵyn úi qatynastary týraly" zańda mynalar kózdeledi: birinshisi - qyzmettik turǵyn úidi jekeshelendirý quqyǵynyń aýysýy, aqshalai ótemaqy alý jáne qaitys bolǵan arnaýly organnyń qyzmetkeri men áskeri qyzmetshiniń otbasy múshelerimen almasý quqyǵyn paidalaný; ekinshisi - qyzmettik turǵyn úilerdi qaldyq quny boiynsha nemese óteýsiz jekeshelendirý; úshinshisi - turǵyn úimen qosarlanǵan qamtamasyz etý jaǵdailaryn shekteý.
Sondai-aq, "Áskeri qyzmet jáne áskeri qyzmetshilerdiń mártebesi týraly" zańda mynadai ózgerister bolady: áskeri qyzmetshilerdiń quqyqtary men mindetterin keńeitý - áskeri qyzmetshilerge arnaýly memlekettik organdardyń qyzmetkerlerine uqsas quqyqtar men mindetterdi berý usynyldy; attestattaý kezinde poligrafologiia júrgizý; áskeri qyzmetti úzdiksiz atqarǵanyn belgileý - áskeri qyzmetshi qyzmetten bosatylǵan kúnnen bastap ony qyzmetke qaita qabyldaǵan kúnge deiin keminde úsh ai ótse.
