Prezident Qasym-Jomart Toqaev kórnekti arheolog ǵalym, tarih ǵylymdarynyń doktory Viktor Zaiberttiń qaitys bolýyna bailanysty kóńil aitty, - dep habarlaidy "Ult aqparat" Aqorda saityna silteme jasap.
Memleket basshysy arheolog ǵalym Viktor Zaiberttiń jaqyndary men týystaryna kóńil aitý jedelhatyn joldaǵan.
"Viktor Fedorovich búkil sanaly ǵumyryn arheologiialyq jáne qazba jumystaryna, dala órkenietin zertteýge arnady. Atbasar jáne Botai mádenietteriniń bai murasy týraly biregei jańalyqtardyń máni men mańyzy, qazirgi Qazaqstan aýmaǵynda jylqyny qolǵa úiretý jáne ósirý jónindegi qundy derekter arheolog ǵalymnyń atymen tikelei bailanysty.
Viktor Zaibert artyna qundy ǵylymi muralaryn qaldyrdy. Ol áriptesteriniń arasynda zor bedelge ie boldy. Sondai-aq jas ǵalymdarǵa úlgi-ónege kórsetti", - delingen jedelhatta.
