Foto: Akorda.kz
Memleket basshysy aralas jekpe jek sheberi Shavkat Rahmonovty qabyldady, - dep habarlaidy "Ult aqparat" Aqorda saityna silteme jasap.
Prezident dańqty sportshyny taiaýda Las-Vegas qalasynda ótken UFC týrnirinde jeńiske jetýimen quttyqtady. Qasym-Jomart Toqaev Shavkat Rahmonov sekildi myqty atletterdiń jeńiske degen erik-jigeri men jetistigi óskeleń urpaqty jigerlendiretinin, salaýatty ómir saltyn ustanýǵa yntalandyratynyn aitty.
Sonymen qatar, Prezident sportshynyń aldaǵy ýaqytta biik belesterdi baǵyndyra berýine tilektestik bildirdi. Óz kezeginde Shavkat Rahmonov arnaiy qabyldaǵany úshin Qasym-Jomart Toqaevqa alǵys aitty.
Sondai-aq, ol jankúierlerdiń úmitin aqtap, elimizdiń mereiin asqaqtata beretinin jetkizdi.
