Prezident AÓSShK hatshylyǵynyń atqarýshy direktoryn qabyldady, - dep habarlaidy "Ult aqparat" Aqordaǵa silteme jasap.
Qasym-Jomart Toqaev Aziiadaǵy ózara is-qimyl jáne senim sharalary jónindegi keńes hatshylyǵynyń qazirgi qyzmetimen jáne Qazaqstannyń osy uiymǵa 2020-2022 jyldardaǵy tóraǵalyǵynyń qorytyndysymen tanysty. Áńgimelesý barysynda 12-13 qazanda elordada ótetin AÓSShK-tiń VI sammitine daiyndyq máselesine erekshe nazar aýdaryldy.
AÓSShK Hatshylyǵynyń atqarýshy direktory Qairat Sarybai Memleket basshysyna aldaǵy sammittiń qorytyndy qujattarynyń jobalaryn kelisý úderisi týraly baiandady.
Sonymen qatar Prezidentke AÓSShK-ti tolyqqandy halyqaralyq uiymǵa ainaldyrý jospary jóninde málimet berildi. Bul mańyzdy mindetti júzege asyrý – Qazaqstannyń strategiialyq maqsaty.
Kezdesý sońynda Memleket basshysy aldaǵy sammitti joǵary deńgeide uiymdastyrý jáne AÓSShK-tegi maqsattar men mindetterdi tiimdi iske asyrý asa mańyzdy ekenin atap ótti.
