Foto: Akorda.kz
Memleket basshysy Ázerbaijan prezidenti Ilham Álievpen telefon arqyly sóilesti, - dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev Ilham Álievti týǵan kúnimen quttyqtap, oǵan baq-bereke jáne jaýapty memlekettik qyzmette tabys tiledi.
Prezident baýyrlas Ázerbaijanmen dostyq jáne tatý kórshilik qarym-qatynas sipatyndaǵy yntymaqtastyqty odan ári damytýǵa nietti ekenin jetkizdi.
Áńgimelesý barysynda Qazaqstan men Ázerbaijan arasyndaǵy strategiialyq áriptestiktiń qarqyndy damýy aityldy.
Prezidentter saýda-ekonomikalyq jáne mádeni-gýmanitarlyq salalarda ózara is-áreketti keńeitýge baǵyttalǵan buryn qol jetkizilgen ýaǵdalastyqtardyń iske asyrylý barysyna joǵary baǵa berdi.
